Pas përfundimit të mbledhjes së Komisionit të Reformës Zgjedhore, Damian Gjiknuri tha se fokusi kryesor i këtij komisioni është zbatimi i rekomandimeve të OSBE-Ohdir brenda këtij vitim, ndërsa shtoi se për votën e emigrantëve do të duhet më shumë kohë.
Ish-ministri tha më tej se PD nuk ka sjellë asnjë propozim në këtë Komision duke u vetëpërjashtuar nga Reforma Zgjedhore.
“Brenda një jave ekspertët do të paraqesin draftet e para për të adresuar rekomandimet e OSBE-së. Opozita ka të drejtën e propozimit për sistemin zgjedhor që do të adresohet paralelisht me rekomandimet e OSBE-së. Ne e bëmë të qartë që cështja e sistemit, vota e emigrantëve apo të tjerë të komplikuar do të duan më shumë kohë, ne duam që brenda dhjetorit të mbyllim cështjet që kanë të bëjnë me rekomandimet. Meqë nuk kemi -PD dhe ata nuk morën pjesë, do i diskutojmë në një tavolinë më të gjerë, meqë nuk ishin aty, dhe cdo rekomandim që të diskutohet të përtej këtij komisioni.
PD nuk ka sjellë propozime, në cdo draft që do të diskutojmë natyrshëm edhe ata kanë të drejtë të bëjnë propozime si shoqëria civile, komente dhe vërejtje. Ne i kemi kërkuar PD-së të gjejë cdo forme komunikimi, cdo propozim edhe pa qenë pjesë e komisionit, ne jemi gati që ato propozime që janë në përputhje me rekomandimet ti marrim në konsideratë, por të jenë sipas rekomandimeve të OSBE-së. PD-ja nuk është në parlament, komisioni do të paraqesë një draft dhe vetëm Kuvendi miraton ligjet”, tha më tej Gjinkuri.
