Gjendet i pajetë 34-vjeçari në Vlorë, dyshimet e para të policisë

Një 34-vjeçar është gjetur i vdekur gjatë orëve të para të mëngjesit të ditës së sotme në Vlorë.

Ngjarja në fjalë ka ndodhur në lagjen “Kushtrimi” pranë kupolës së avionëve. Policia bënë me dije se bëhet fjalë për shtetasin me inicialet K.D., 34 vjeç.

Nga këqyrja paraprake në trupin e viktimës nuk vërehen shenja dhune apo dëmtime të tjera. Të njëjtat burime thanë se ka dyshime që vdekja 34-vjeçarit mund t’i ketë ardhur nga ndonjë arrest kardiak pasi ka patur probleme me zemrën.