Rreth 650 kg marijuanë janë sekuestruar në brigjet e komunës së Monopolit në provincën e Barit, në zonën e njohur si plazhi i Santo Stefanos. Sipas Policisë Italiane dyshohet se droga vinte nga Shqipëria.
Lënda narkotike e ndarë në 137 pako ishte fshehur pas një muri rrethues të një vile e cila është e banuar vetëm gjatë muajve të verës. Droga e konfiskuar vlente në treg rreth 3 milionë euro.
Policia italiane ka nisur hetimet mbi ngjarjen duke inspektuar imtësisht zonën në bashkëpunim me kapitenerinë e portit të Barit.
Ka qënë një banor i zonës i cili ka gjetur drogën e fshehur duke lajmëruar menjëherë forcat italiane të rendit.
Pak metra më tutje në afërsi të plazhit është gjetur dhe një gomone e braktisur dhe dëmtuar.
