Nga Rexhep Rada
Sot duhet të keni shumë kujdes tek disa gjera shumë të rëndësishme për të bërë:
Paradite shijoni dashurinë e madhe të jetës suaj, “kafen tek lokalet e bulevardit”.
Në drekë, sigurohuni të gjeni një restorant shumë të populluar që t’ju shohin sa më shumë njerëz. Është shumë e rëndësishme kjo.
Në darkë, normalisht party. (Shikoni mos ka ndonjë festë me kominoshe, në shenjë solidariteti). Kujdes të veçantë tek fotot që do të postoni. Është arsye jete kjo.
1 Maji, dita e protestës së punëtorëve për përmirësim të kushteve të punës???!!!
Këtu ka shumë pak vende pune me dinjitet.
Ata që i kanë këto vende, përçmojnë të tjerët duke i quajtur dembelë, etj… Vetë nuk i shkon ndërmend të shkojnë të punojnë në ato vende pune të keqpaguara dhe me kushte mizerabël.
Nëse ngjiteni pas politikanëve, të cilëve i lëpiheni e nuk i kërkoni dot gjë, mos prisni përmirësim.
Nëse bëhemi shokë me indiferentizmin dhe nënshtrimin, nuk do të kemi ndonjëherë ndryshim.
Gezuar 1 Majin, Shqipëria e bukur e reklamave!
