Ndërkohë që Kryeministri fliste, papritmas, futej një zë në eter. Në kushte të zakonshme, kur flet Ai, edhe zhurmat e mizave nuk dëgjohen (ka njerëz që përgjigjen për atë punë) jo më të guxonte kush të ndërpriste. Por, për “pyetjet nga populli” edhe Zeusi ndërpritet!
Ndër 2 mijë komentet, “zëri” kishte përzgjedhur pikërisht atë që përmendte udhëtimet në klasin biznes të Lulzim Bashës me gruan apo “ngritjen e këmbëve” të grave opozitare. Sigurisht, përmendte diku nga fundi edhe vilën Kryeministrore në Surrel për të vënë barazi. Shefi i madh, nuk u mor me të parët (ata t’i gjykojë vetë populli), por dha shpjegime sesi vila e tij në Surrel është një nga gjysmë milion vilat e shqiptarëve dhe se vetëm 1600 shtëpi në Shqipëri jetojnë në varfëri ekstreme. Sa për ilustrim, 500 mijë vila janë mjaftueshëm për 2,5 milionë banorë (5 persona në një vilë).
Nuk mbetkan njerëz as për pallate lëre më të ketë varfëri.
Socialistët mbanin shënime të habitur.
Pas kësaj pyetjeje dhe përgjiges shteruese të Kryeministrit, vijoi komenti tjetër i FB, lexuar me një ton hijerëndë, solemn nga zëri në eter: “Njerëzit po vdesin për bukë. Mjekësia përtokë. Kishim shpresë të madhe te ti, por edhe ti si të tjerët”.
Teksti ndjehej lehtë që ishte i Kryeministrit. Janë nga ato batutat që Ai pëlqen të përqeshë vazhdimisht. Dhe filloi:
“Duke qenë se jetojmë në një botë që në tërësi ushqehet çdo ditë me toksina dhe helmohet çdo ditë me lajmin e keq, me gënjeshtrën, me shpifjen, me manipulimin…..”
Aty vura duart në kokë. Edi Rama padyshim është mjeshtër i shfaqjes së të vërtetave sipas interesit të tij. Ai inskenon shfaqjen e pyetjeve nga populli, na tregon që ka dhënë para për privatin pasi populli do i rritet cilësia e shërbimit (këtë askush nuk ia ka vënë në dyshim). Pra, jep përgjigje, për të cilat nuk është pyetur. I jep me mllef dhe duke u viktimizuar saqë të krijon përshtypjen se është vërtetë ashtu. Këtë nuk e ka bërë as Gëbelsi. Ai vërtetë ka qenë mjeshtri më i madh i historisë së demagogjisë, por nuk i ka shkuar në mendje asnjëherë të shiste veten si “viktimë të propagandës”. Kjo do ishte e tepërt.
Zoti Kryeministër bëri show me shifra, komente e batuta, me persona që nuk ishin aty por, sipas tij po ia shtrembëronin realitetin deri në atë farë feje, sa edhe disa prej socialistëve po binin viktima të manipulimit dhe po i besojnë thagmat me oligarkë, PPP, koncesione etj. Për këtë qëllim, Kryeministri nxori një tabelë ku shpjegonte që niveli i tatimeve që oligarkët kishin paguar në arkën e shtetit ishte gati 10 fish në 4 vjetët e tij sesa në 8 vjetët e PD-së. Pra, nënteksti ishte “Unë po i rrjep oligarkët me taksa e po akuzohem se po bashkëpunoj me ta”. Herë pas here regjia na shfaqte fytyrat e habitura të Safetit, Paulinit, Fredit ose Rrahmanit si tregues i mjaftueshmërisë së besimit popullor nga shpjegimi kryeministror.
Kryeministri nuk tha që ky nivel pagese i lartë tatimesh në buxhetin e shtetit vjen pikësëpari nga niveli i përfitimeve nga shteti. Po marr një shembull; nëse Gjoka ka marrë përsipër me PPP të ndërtojë Rrugën e Arbrit, Qeveria i ka kaluar asaj, sapo kryen 25% të punimeve 2.1 miliardë lekë (afër 17 milion Euro) (sipas deklaratës publike në FB e kompanisë). Këto 17 milion Euro (deklaron kompania) janë pothuaj të gjitha TVSH-ja e tatim fitimi dhe i janë kthyer shtetit. Kjo tregon që tashmë shteti po ua rrit kontributet me 10 herë oligarkëve e për pasojë po u merr 10 herë më shumë tatime. Ose në gjuhë popullore u jep miell e ju merr krunde.
Këtë nuk e tha Kryeministri.
Kryeministri shpjegoi edhe sesi sterilizimi apo blerja e pakove të reja të pajisjeve operatore shpëtoi jetë, përveçse edhe kosto spitalesh nga infeksionet pasoperatore. Në fakt, askush nuk ka gjë kundër as check up-it (kontrollit të përgjithshëm), sterilizimit as dializës, është afër mendsh që këto reforma janë të mirëpritura. Ajo që nuk tha Kryeministri ishte kostoja e sterilizimit dhe çmimi që i paguajmë privatit. Ka një akuzë publike zoti Kryeministër për këtë qëllim nga mjeku Artan Koni, i cili, shpjegon me video që kostoja e sterilizimit në vit kushton 1,5 milion Euro, ndërsa koncesionari paguhet nga shteti me 17 milion Euro! Ja ku e keni zoti Kryeministër, kthejini përgjigje, është mjek në spital shtetëror.
Këtë nuk e tha Kryeministri.
Por, shkoi gjatë. Po të shkruaj ato që Ai nuk tha, askush nuk mundet të lexojë aq gjatë…
Ndërkohë që Kryeministri fliste, papritmas, futej një zë në eter. Në kushte të zakonshme, kur flet Ai, edhe zhurmat e mizave nuk dëgjohen (ka njerëz që përgjigjen për atë punë) jo më të guxonte kush të ndërpriste. Por, për “pyetjet nga populli” edhe Zeusi ndërpritet!
Ndër 2 mijë komentet, “zëri” kishte përzgjedhur pikërisht atë që përmendte udhëtimet në klasin biznes të Lulzim Bashës me gruan apo “ngritjen e këmbëve” të grave opozitare. Sigurisht, përmendte diku nga fundi edhe vilën Kryeministrore në Surrel për të vënë barazi. Shefi i madh, nuk u mor me të parët (ata t’i gjykojë vetë populli), por dha shpjegime sesi vila e tij në Surrel është një nga gjysmë milion vilat e shqiptarëve dhe se vetëm 1600 shtëpi në Shqipëri jetojnë në varfëri ekstreme. Sa për ilustrim, 500 mijë vila janë mjaftueshëm për 2,5 milionë banorë (5 persona në një vilë).
Nuk mbetkan njerëz as për pallate lëre më të ketë varfëri.
Socialistët mbanin shënime të habitur.
Pas kësaj pyetjeje dhe përgjiges shteruese të Kryeministrit, vijoi komenti tjetër i FB, lexuar me një ton hijerëndë, solemn nga zëri në eter: “Njerëzit po vdesin për bukë. Mjekësia përtokë. Kishim shpresë të madhe te ti, por edhe ti si të tjerët”.
Teksti ndjehej lehtë që ishte i Kryeministrit. Janë nga ato batutat që Ai pëlqen të përqeshë vazhdimisht. Dhe filloi:
“Duke qenë se jetojmë në një botë që në tërësi ushqehet çdo ditë me toksina dhe helmohet çdo ditë me lajmin e keq, me gënjeshtrën, me shpifjen, me manipulimin…..”
Aty vura duart në kokë. Edi Rama padyshim është mjeshtër i shfaqjes së të vërtetave sipas interesit të tij. Ai inskenon shfaqjen e pyetjeve nga populli, na tregon që ka dhënë para për privatin pasi populli do i rritet cilësia e shërbimit (këtë askush nuk ia ka vënë në dyshim). Pra, jep përgjigje, për të cilat nuk është pyetur. I jep me mllef dhe duke u viktimizuar saqë të krijon përshtypjen se është vërtetë ashtu. Këtë nuk e ka bërë as Gëbelsi. Ai vërtetë ka qenë mjeshtri më i madh i historisë së demagogjisë, por nuk i ka shkuar në mendje asnjëherë të shiste veten si “viktimë të propagandës”. Kjo do ishte e tepërt.
Zoti Kryeministër bëri show me shifra, komente e batuta, me persona që nuk ishin aty por, sipas tij po ia shtrembëronin realitetin deri në atë farë feje, sa edhe disa prej socialistëve po binin viktima të manipulimit dhe po i besojnë thagmat me oligarkë, PPP, koncesione etj. Për këtë qëllim, Kryeministri nxori një tabelë ku shpjegonte që niveli i tatimeve që oligarkët kishin paguar në arkën e shtetit ishte gati 10 fish në 4 vjetët e tij sesa në 8 vjetët e PD-së. Pra, nënteksti ishte “Unë po i rrjep oligarkët me taksa e po akuzohem se po bashkëpunoj me ta”. Herë pas here regjia na shfaqte fytyrat e habitura të Safetit, Paulinit, Fredit ose Rrahmanit si tregues i mjaftueshmërisë së besimit popullor nga shpjegimi kryeministror.
Kryeministri nuk tha që ky nivel pagese i lartë tatimesh në buxhetin e shtetit vjen pikësëpari nga niveli i përfitimeve nga shteti. Po marr një shembull; nëse Gjoka ka marrë përsipër me PPP të ndërtojë Rrugën e Arbrit, Qeveria i ka kaluar asaj, sapo kryen 25% të punimeve 2.1 miliardë lekë (afër 17 milion Euro) (sipas deklaratës publike në FB e kompanisë). Këto 17 milion Euro (deklaron kompania) janë pothuaj të gjitha TVSH-ja e tatim fitimi dhe i janë kthyer shtetit. Kjo tregon që tashmë shteti po ua rrit kontributet me 10 herë oligarkëve e për pasojë po u merr 10 herë më shumë tatime. Ose në gjuhë popullore u jep miell e ju merr krunde.
Këtë nuk e tha Kryeministri.
Kryeministri shpjegoi edhe sesi sterilizimi apo blerja e pakove të reja të pajisjeve operatore shpëtoi jetë, përveçse edhe kosto spitalesh nga infeksionet pasoperatore. Në fakt, askush nuk ka gjë kundër as check up-it (kontrollit të përgjithshëm), sterilizimit as dializës, është afër mendsh që këto reforma janë të mirëpritura. Ajo që nuk tha Kryeministri ishte kostoja e sterilizimit dhe çmimi që i paguajmë privatit. Ka një akuzë publike zoti Kryeministër për këtë qëllim nga mjeku Artan Koni, i cili, shpjegon me video që kostoja e sterilizimit në vit kushton 1,5 milion Euro, ndërsa koncesionari paguhet nga shteti me 17 milion Euro! Ja ku e keni zoti Kryeministër, kthejini përgjigje, është mjek në spital shtetëror.
Këtë nuk e tha Kryeministri.
Por, shkoi gjatë. Po të shkruaj ato që Ai nuk tha, askush nuk mundet të lexojë aq gjatë…
