Gazetari i njohur investigativ, Taulant Kopliku, ishte një nga shumë protestuesit që i është bashkuar tubimit ditën e sotme që po mbahet para Kryeministrisë.
Ai gjatë fjalës së tij u shpreh se sapo ishte kthyer në Shqipëri për të jetuar, por ishte përballur me taksa shumë të shtuara dhe çmime tmerrësisht të larta.
“Sapo jam kthyer në Shqipëri, për të punuar dhe jetuar këtu. Gjendem në një situatë të papritur. Por qeveria ime më mbyt me taksa, më shton çmimet dhe taksat. Është e dhimbshme se si mund të jetohet në këtë vend. Por unë dua të qëndroj këtu. Jam i kënaqur që e kemi mbushur këtë shesh jo për politikën, por për të ardhmen e fëmijëve tanë.”, tha Kopliku.
Kujtojmë se, sot është dita e katërt e protestës së qytetarëve në Tiranë dhe në qytete të tjera për rritjen e çmimit të hidrokarbureve dhe shportës ushqimore që është vënë re periudhën e fundit në vend.
