Gazeta serbe “Blic”, shkruan se ka nisur një ftohje mes Rusisë dhe Serbisë dhe kjo mund të çojë në njohjen e Kosovës nga Putin.
“Rusia gjithmonë Serbinë e ka shfrytëzuar si trampolinë të përshtatshme për realizimin e interesave të saj gjeopolitike. Serbinë mē shumë e ka bërë shtet Europa sesa Rusia. Se sa e mbrojti Rusia këtë shtet u pa në vitin 1999 gjatë bombardimeve të NATO Asnjë ushtar rus nuk vdiq për Serbinë”, shkruan e përditshmja “Blic”.
“Blic”, vazhdon më tej ku shkruan se, “Europa në Serbi ka investuar shumë. Po të mos ishin investimet europiane ky shtet do të kishte falimentuar prej vitesh. Vetëm 10 vitet e fundit, BE ka investuar mbi 5 miliardë euro. Europa hap çdo ditë fabrika të reja, por edhe punëson serbë të shumtë”.
