Autoritetet shqiptare po mundohen të terrorizojnë minoritetin grek në jug të Shqipërisë, nëntë ditë pas ekzekutimit të Konstantinos Katsifas, raporton gazeta greke Protothema
Sipas fshatarëve të Bularatit, policia shqiptare i ka thirrur për t’u marrë në pyetje pa dhënë një shpjegim zyrtar.
Protothema që i referohet njoftimeve nga Shqipëria, në numrin e djeshëm, shkruan se autoritetet janë të alarmuara nga irritimi i anëtarëve të minoritetit grek dhe po mundohen t’i frikësojnë ata dhe kushdo që viziton Bularatin për t’i mbështetur ata dhe familjen Kacifa.
Gazeta greke shkruan se edhe nëntë ditë pas ekzekutimit, autoritetet shqiptare nuk e kanë kthyer trupin./T.CH
