Kryeministri Rama ka shpallur sot kabinetin e tij ku shumica e emrave të rikonfirmuar nuk janë surprizë.
Ndër emrat e rinj surprizë është zv/kryeministrja Senida Mesi, e cila do ketë detyrën e vështirë të zëvendësojë Niko Peleshin, që dukej i pazëvendësueshëm në krah të Ramës.
Por, ai ka marrë një nga postet më të rëndësishme të kabinetit Rama, Bujqësinë, që do të jetë prioritet këtë katërvjeçar.
Zonja Mesi që e zëvendëson është 40 vjeç dhe ka përfunduar studimet për ekonomi. Ajo u zgjodh deputete e Shkodrës në zgjedhjet e 25 qershorit, ndërkohë në politikë është futur në vitin 2015.
Videoja më poshtë, tregon se zonjës Mesi do i duhet edhe pak kohë të mësohet me gjuhën politikisht korrekte.
Mesi e ka cilësuar zonën e komunitetit rom, si “zonën e pakicës së jevgjëve”.
Videoja është marrë nga emisioni “Dritare me Rudinën”, ku zonja Mesi fliste drejtpërdrejtë nga Shkodra ditën e zgjedhjeve.
https://youtu.be/0ddAZCo2mM0
/dritare.net/
