Një aksident raportohet të ketë ndodhur mbrëmjen e sotme në hyrje të qytetit të Tepelenës. Sipas policisë një fugon që drejtohej nga një shtetas turk është përplasur me automjetin tip “Benz” me drejtues S. Ç., 31 vjeç.
Si pasojë e aksidentit, kanë mbetur të lënduar pasagjeri i automjetit tip fugon, shtetasi turk Y. K. dhe dy pasagjeret e automjetit tip “Benz”, me inicialet E. L. dhe V. Ç., të cilët janë transportuar për të marrë ndihmën mjekësore në spitalin Rajonal Gjirokastër.
Në vendngjarje ndodhet grupi hetimor dhe po punon për zbardhjen e shkaqeve të aksidentit.
