Komisioni i Disiplinës mori vendimet për incidentet në ndeshjen derbi mes Partizanit dhe Skënderbeut.
Partizani është dënuar me 4 ndeshje pa tifozë, ndërsa Skënderbeu me 3 ndeshje pa tifozë, për sjellje të gabuar të spektatorëve në mënyrë të përsëritur, duke hedhur mjete ndezëse brenda rrethimit të fushës, duke ofenduar në grup e duke shpalosur parulla ofenduese.
Po ashtu, të dyja klubet janë detyruar që të paguajnë për stolat e dëmtuar në stadiumin “Elbasan Arena”.
Gjithashtu, Disiplina ka urdhëruar sekretariatin teknik që të mbledhë të dhëna mbi personat problematik me qëllim evidentimin e tyre dhe ndalimin e hyrjes në stadiume.
