Autoritetet europiane po planifikojnë edhe ndalimin e levizjes në zonën Schengen për 26 vende në sajë të masave kundër pandemisë Covid-19.
Për këtë arsye edhe ekzekutivi i Unionit Europian ka propozuar një masë ekstreme për ta parandaluar. Propozimi ka të bëjë me një ndalim 30 ditor për udhëtarët e huaj që duan të hyjnë në vendet e bllokut.
“Sa më pak udhëtime të ketë, aq më shumë mundësi kemi ne për ta ndaluar virusin. Për këtë arsye, iu propozoj krerëve të shteteve dhe qeverive që të vendosim një ndalesë të përkohshme për udhëtimet jo të nevojshme në BE. Këto kufizime të udhëtimit duhet të kenë një periudhë paraprake 30 ditore, por mund të zgjaten në kohë, në varësi të situatës.”, është shprehur shefja e Komisionit Europian, Ursula Von Der Leyen.
