Gazetari Enkel Demi ka reaguar lidhur me reagimin e kryeministrit pas publikimit të raportit të “Freedom House”, ku Rama thekson se “nga raporti që mat lirinë demokratike del që: Shqipëria është vendi me ideksin më pozitiv të lirive demokratike në Ballkanin Perëndimor”.
“Sot një gazetar i dëshpëruar për Shqipërinë që paskej rënë teposhtë, e fundit në Ballkan sipas tij, në Raportin e “Freedom House” për lirinë, donte të dinte sa më vriste mua ndërgjegja për këtë lajm të zi”, ka shkruar Rama ndër të tjera ku i referohet intervistës me gazetarin Enkel Demi mëngjesin e sotëm, ku ky i fundit e pyeti lidhur me raportin e “Freedom House”.
Në postimin e tij në Facebook, Kel Demi i përgjiget Ramës duke shkruar se Kryeministri i dëshpëruar mjafton të lexojë: VOA: Rënia në Balkan ndodhi për shkak të tri vendeve: Shqipërisë, Malit të Zi dhe Serbisë.(Freedom House) https://www.zeriamerikes.com/
