Simboli i shqiponjës po tremb edhe grekët. Klubi grek i Superligës, AEL Larissa kishte njoftuar në faqen zyrtare se kishte arritur marrëveshjen për transferimin e mesfushorit shqiptar, Idriz Batha, por planet kanë ndryshuar. Batha nuk do të jetë pjesë e klubit grek pasi në internet qarkullon një foto ku është duke bërë shqiponjën me duar.
“Arsyeja kryesore e prishjes së kësaj marrëveshjeje është se ne kemi parë një foto të lojtarit në internet, ku bën me duar simbolin e Shqipërisë së Madhe. Kjo është diçka e papranueshme për ne sepse kemi shumë lojtarë serbë në skuadër dhe për më tepër, Shqipëria e Madhe përfshin pjesë nga Rajoni i Maqedonisë në Greqi, gjë që zhgënjen edhe fansat tanë”, i ka shkruar drejtori i klubit menaxherit të futbollistit.
