Kandidati për deputet i koalicionit të Partisë Demokratike me aleatët “Aleanca për ndryshim”, Florian Tahiri shpjegon arsyet që e shtynë të japë dorëheqjen nga posti i nënkryetarit të bashkisë Durrës.
Në një intervistë për AdriaNet, Tahiri u shpreh se marrëveshja e PDIU-së me Partinë Demokratike që në programin e qeverisë së ardhshme të përfshihet edhe zgjidhja juridike e Çështjes Çame më bindi që të kandidoj si deputet i Durrësit.
“Më erdhi mundësia që të kandidoj për Partinë për Drejtësi Integrim dhe Unitet, e cila është e vetmja parti që ka në preambulën e vetë zgjidhjen e çështjes kombëtare dhe në veçanti të asaj të Çashtjes Çame. Duke qënë se jam dhe kryetar i shoqatës “Çamëria” në Durrës, vendosa t’i bashkohem kësaj parti dhe të bashkohem në këtë garë. Pas 5 vitesh si nënkryetar i Bashkisë Durrës, vendosa të jap dorëheqjen më shumë për arsye morale dhe jo si detyrim dhe gjëja që më bindi më shumë është marrëveshja që PDIU dhe PD kanë bërë në lidhje me zgjidhjen e çështjes Çame me anë të konventave ligjore”, u shpreh Florian Tahiri.
