Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

“Flamë e rrezikshme”, analisti Lubonja: Ja pse PD dhe LSI duhet të bëjnë bashkë koalicion në 2021

Nga Ejona 0

Analisti Fatos Lubonja ka komentuar rreth aktualitetit politik të vendit.

Sipas tij, ka ardhur koha që Reforma Zgjedhore të ndryshojë me qëllim që forca të reja politike të mund të dalin më kollaj, e vendi të mos drejtohet vetëm nga partitë e mëdha.

“Na duhet një ndryshim kushtetues, ku përfshihet edhe reforma zgjedhore nisur nga shumë gjëra që kanë shkuar keq në këtë vend. Tek Reforma Zgjedhore kemi nevojë që këto parti që e kanë ndarë pushtetin të sfidohen nga forca të reja që mund të dalin më kollaj nëse reforma zgjedhore i krijon lehtësira. Është i domosdoshëm një debat në këtë kontekst. Mendoj që partitë e mëdha duan ta shmangin. PD ka dalë edhe me tezën që duhet qeveri e pavarur 3 muaj para zgjedhjeve, por ne jemi një vend eksperimental. Këta s’kanë vizion për t’ju shërbyer njerëzve, por si të marrin pushtetin”,- tha Lubonja.

Sa për aleancat politike për zgjedhet e 2021, analisti ishte i mendimit që PD dhe LSI duhet të bëhen bashkë për të sfiduar atë që e quajti “flamë e rrezikshme”, duke iu referuar në këtë mënyrë qeverisë Rama.

“Mendimi im është ky, që është e nevojshme të ketë hapësira të dalin forcat e reja politike. Kjo lidhet me idenë se nëse ngelemi tek këto parti jam i mendimit më mirë të jenë tre banda se sa një bandë. Sic ka treguar ajo që po ndodh me Ramën ku u rrit abuzimi dhe korrupsioni. Tre banda edhe pse banda mund të mbrojnë në njëfarë mënyre me mirë edhe interest e publikut. Jo si Rama e Veliaj që ia kanë futur me ndërtime pa fund. Duhet sfiduar prirja e Ramës për ta marrë vetë pushtetin. Ju e dini opozitën e konsideron si dele ai. Për të vlen vetëm pushteti i tij. Në këtë kuptim them që duhet koalicion i PD dhe LSI për të sfiduar rrezikun e Ramës, të sfidohet ky rrezik, një flamë e rrezikshme që duhet ndëshkuar”, u shpreh analisti.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej