I nxehti që ka pushtuar gjithë vendin “përforcohet” më shumë në zonat ku ka rënë zjarr.
Prej ditësh zjarrfikësit po luftojnë me këto dy fenomene për të shuar flakët që kanë pushtuar pyjet në të gjithë vendin.
Fotografitë e mëposhtme janë bërë në fshatin Ermenj, Njësia Administrative Skënderbegas, bashkia Gramsh, ku ka rënë zjarr në një sipërfaqe pyjore me pisha.
Shërbimi vendor i MZSH Gramsh, ka dërguar në vendngjarje 1 automjet zjarrfikës me personel dhe kanë punuar me mjete rrethanore për shuarjen e zjarrit.
Për ndihmë shkuan 30 forcave ushtarake dhe pas një pune të gjatë kanë bërë të mundur shuarjen e zjarrit. Si pasojë e zjarrit u dogj një sipërfaqe rreth 7 ha shkurre dhe 7 dynym pisha.
