Në Kuvend ka pasur debate në lidhje me akuzat se Partia Demokratike ka marrë 500 mijë dollarë nga Rusia. KA qenë deputeti i Partisë Socialiste, Pandeli Majko, i cili është shprehur se mirë do ishte që kur flasin për fondet europiane, të flasim dhe për fondet anti-europiane, nuk mbyllet me ironi, përpara se t’i kërkoni Beqës sonë, po Beqës suaj.
“Besoj që sot në kufijtë 24 orëve, drejtuesit e PD, me ose pa zyra e dinë shumë mirë që PD ka marrë rreth 500 mijë nga fondet ruseve, mirë do ishte që kur flasin për fondet europiane, të flasim dhe për fondet anti-europiane, nuk mbyllet me ironi, përpara se t’i kërkoni Beqes sonë, po Beqes suaj, dhe ky nuk është një faj individual, është një akuzë e konfirmuar nga administrata amerikane” – tha Majko.
Majkos i është përgjigjur kreu i grupit parlamentar të PD-së, Enkelejd Alibeaj, i cili është shprehur me ironi se Pandit i qenka shëruar goja. Alibaej i kërkoi që të priste edhe pak orë që të përgënjeshtrohet lajmi i financimit rus dhe i kërkoi të shkonte prap tek dentisti.
“Më në fund Pandit i qenka shëruar goja se për çështje delikate, i vetmi që nuk duhet të fliste nuk duhet të ishe ti, se e di një gjë që është një makinacion që mungon sot, po si i vjetër në politikë, së paku prit dhe ca orë se do të përgënjeshtrohet, dhe shko prap të dentisti” – tha Alibeaj.
