Një aksident me pasojë vdekjen ka ndodhur paraditen e sotme në Fier.
Bëhet me dije se shtetasi Vasil Latifaj, 41 vjeç, banues në Vlorë, duke drejtuar mjetin autoveturë tip “BENZ”, me targë AA 891 DL, ka përplasur shtetasin F.K 60 vjeç, banues në fshatin Mbrostar Ura, Fier, i cili po lëvizte me biçikletë.
Si pasojë e dëmtimeve të mara, shtetasi F.K ndërroi jetë në Spitalin Rajonal Fier. Policia ka arrestuar drejtuesin e mjetit dhe po kryen veprimet procedurale për arrestimin e tij. Grupi hetimor po punon për zbardhjen e shkaqeve të ngjarjes.
