Një aksident ka ndodhur në vendin e quajtur Ura e Hoxharës në Fier.
Dy të rinj që po lëviznin me motorra janë përplasur me njëri tjetrin.
Të rinjtë janë të moshave 25 dhe 26 vjeç, ndërsa bëhet me dije se janë dërguar me urgjencë drejt spitalit.
Ata po mjekohen në spitalin Rajonal të Fierit, ndërsa raportohet se janë jashtë rrezikut për jetën.
Ende nuk dihet se cili është shkaku i ngjarjes, ndërsa policia po heton për të zbardhur shkakun e aksidentit.
Të rinjtë duhet të qëndronin në shtëpi, pasi ditën e sotme është e ndaluar qarkullimi, por nuk dihet përse të rinjtë kanë vendosur ta thyejnë rregullin.
