Një ngjarje e rëndë ka ndodhur në Janinë, ku një student për pak ka humbur jetën. Mediat e huaja bëjnë me dije se 21-vjeçari rënë nga një shkallë e jashtme e katit të 3-të në Kampusin Universitar të Janinës. Për fat të mirë ai është transportuar menjëherë në spital dhe është jashtë rrezikut për jetën. Tashmë po trajtohet për plagë të rënda, kryesisht fraktura, në ICU të Spitalit Universitar.
Sipas informacioneve të para, aksidenti ka ndodhur pas orës 3:00 të mëngjesit, në një vend ku po zhvillohej një festë studentore. I riu është vënë re nga një koleg student, i cili ka njoftuar menjëherë EKAB-in. Brenda pak minutash ka mbërritur autoambulanca dhe e ka transportuar studentin në Spitalin Universitar të Janinës. Policia po heton rrethanat e aksidentit.
