Familja Çapja në Elbasan ka vijuar me akuzat ndaj policisë,pas arrestimit të 8 personave, ku bënin pjesë pjestarë të fisit Çapja dhe miq e të afërm të tyre.
Akuzat i kanë depozituar në rrugë ligjore në prokurori.
Gjithashtu, përmes një letre publike ata akuzojnë forcat e policisë se kanë qëlluar me armë në drejtim të pjestarëve të familjes,në resortin “Univers”,në të cilin ndodheshin dhe dhjetra qytetarë të huaj.
Në letrën publike familja Çapja shkruan:“Policia ka kërcënuar familjarët dhe dëshmitarë të ndryshëm për të zhdukur provat e ndërhyrjes brutale”.
Nëpërmjet studios së tyre ligjore, kjo familje thotë se policia qëlloi në drejtim të biznesit pa paralajmërim, ndërsa është ushtruar dhunë fizike e psikologjike, duke mos kursyer edhe fëmijët.
“Nga një makinë me xhama te zi, u qëllua ne drejtim te biznesit me arme zjarri” shkruhet në letër, dhe nuk kishte asnjë shenjë dalluese që të tregonte se ishin punonjës të policisë. Ndaj pronarit te hotel “Univers” FNSH ka qëlluar drejtë për ta ekzekutuar pa paralajmërim, por fatmirësisht falë një makine që ndodhej aty pranë ai ka shpëtuar duke u fshehur.
Veç armëve në të gjithë biznesin dhe ne shtepite e familjes Capja eshte ushtruar dhune fizike dhe psikologjike duke filluar tek fëmijët 1 vjeç e deri tek të moshuarit e kësaj familje, shkruhet në letër. Familja Çapja do ndjekë në rrugë ligjore mënyrën e procedimit të policisë, për të cilën thotë se ka dëshmitarë që e faktojnë.
