Europa është kontinenti i dytë pas Azisë që shënon më shumë të prekur nga koronavirusi.
Raportohet se në tre vende ky virus me origjinë nga Wuhan i Kinës nuk ka depërtuar ende. Një prej tyre është Kosova, e cila nuk ka asnjë rast të konfirmuar me koronavirus. Disa raste të dyshimta kanë qarkulluar në fund shkurt dhe në fillim mars në vendin ballkanik por të gjitha kanë rezultuar negative.
Vendi i dytë është Mali i Zi që pavarësisht shkëmbimeve tregatare dhe lidhjeve me Italinë regjistrohet si vendi i dytë ballkanik pa asnjë rast të konfirmuar me koronavirus.
Vendi i tretë është Qipro. Ishulli në Mesdhe nuk ka asnjë rast të konfirmuar ndoshta duke përfitur nga dy vendet e tjera fqinje Turqia dhe Siria të cilat gjithashtu nuk kanë asnjë rast të konfirmuar. Por vende afër saj si Libani apo Egjipti kanë nga 35 apo 55 raste të konfirmuara.
