Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Eurodeputeti grek gris flamurin turk në parlament, reagon ministri i Jashtëm turk: I hedhim në det ata që…

Nga Ejona 0

Ministri i Jashtëm i Turqisë, Mevlut Cavusoglu të enjten ka reaguar paso një ligjvënës i ekstremit të djathtë grek doli në një video duke shqyer një kopje të shtypur të një flamuri turk gjatë një debati në Parlamentin Evropian.

“Këto mendje raciste e dinë më mirë se kushdo se si ne përplasemi dhe lëshojmë në det ata që guxojnë të sulmojnë flamurin tonë të lavdishëm. Fëmijët e prishur dhe racistë të Evropës duhet të dinë vendin e tyre,” tha ai në një postim në rrjetet sociale të enjten, pa e emëruar ligjvënësin, eurodeputetin Yannis Lagos.

Cavusoglu tha që ai priste që Parlamenti Evropian të marrë “masat e nevojshme kundër këtij kllouni”.

Lagos është një eurodeputet i pavarur dhe udhëheqës i Ndërgjegjes Popullore Kombëtare, një grup i çarë që doli pas shpërbërjes së Agimit të Artë neo-nazist.

Duke folur në Parlamentin Evropian të Mërkurën, ai fajësoi Turqinë për ardhjen në rritje të refugjatëve dhe migrantëve në ishujt Grekë.

Pas kësaj ngjarjeje reagoi menjëherë qeveria greke e cila tha se distancohet plotësisht nga veprimet e neo-nazistëve.

”Greqia dënon në mënyrë më kategorike çdo veprim të fyerjes së një simboli kombëtar dhe në këtë rast simbolin kombëtar të Turqisë. Veprimet e papranueshme të përfaqësuesve të neo-nazizmit janë një largim nga traditat greke dhe evropiane dhe janë një përpjekje për të tërhequr vëmendjen ndaj Agimit të Artë, i cili është në provë, dhe të cilën shoqëria greke e ka hequr nga Parlamenti me votën e saj, “, shkruhej në reagimin e ministrisë së jashtme të Greqisë.

Në PE po diskutohej lidhur me krizën e emigrantëve të paligjshëm të cilët po gjejnë strehë në ishujt grekë në Egje. Përpara këtij diskutimi, presidenti turk kishte bërë apel se Europa duhet të gjente një zgjidhje për këtë krizë sepse Turqia është duke mbajtur mbi 3 milionë emigrantë dhe kërcënoi se nëse nuk do të kishte veprim atëherë ai do ti hapte atyre dyert.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej