Kryetari i opozitës, Lulzim Basha, i ka drejtuar sot disa prej deputetëve të grupit parlamentar të PD-së, në një aksion të pakuptimtë për të dhunuar policët në krye të detyrës.
Në të vërtetë kjo nuk është kauza e opozitës, por e një grupi të shoqërisë civile që prej disa javësh ka nisur protestën kundër ndërtimit të një parku lojrash.
A thua se gjithçka shkon vaj në qeverisje dhe opozita s’ka hiç punë për të bërë, i është sulur me të parë e të mbramë një projekti të Bashkisë për ndërtimin e këtij këndi lojrash tek Parku i Liqenit.
Ndërsa policët janë të detyruar të përballen me dhunën e politikës, e cila shfaqet herë mavi e herë blu, e mveshur me imunitet përballë policit që shteti i prodhuar nga kjo politikë e të dyja ngjyrave u ka hequr plotësisht autoritetin e uniformës që mbajnë.
Policët si sot përballë deputetëve të PD-së, dje ishin përballë atyre të PS-së. Ky është fati i tyre: të përballen me deputetët e fortë të Kuvendit në çdo kohë, tashmë edhe të armatosur.
