Pas lajmit nga Bashkia e Tiranës se Sheshi Skënderbej do të hapet më 10 qershor. Pamjet e fundit tregojnë se në shesh janë mbjellur dhe fiq. Gjatë fushatës për zgjedhjet vendore më 2015, kandidati i shumicës, tashmë kryetar bashkie Erion Veliaj u shpreh se kur ka qenë i vogël për të nxjerrë të ardhura ka shitur fiq tek zona e Pazarit të Ri.
Qendra e kryeqyetit është shtruar me qilimin e gurëve nga të gjitha trojet shqiptare e nga krejt krahinat e Shqipërisë.
Ndërkohë, pak ditë më parë kryeministri Rama ka thënë “Mirëmëngjes” në facebook me një imazh të sheshit Skënderbej, si ka qenë në 2013-ën, dhe si paraqitet sot, në një kohë që punimet ende vijojnë. “Ky shesh do të jetë kartëvizita e bukur e Shqipërisë që duam”, ka shkruar Rama.
/gsh.al/
