Presidenti turk, Recep Tayip Erdogan, në një fjalim të sotëm, ka kërcënuar kryeministrin e Kosovës, Ramush Haradinaj se do të mbajë përgjegjësi për menaxhimin e situatës me turqit e deportuar. Ai e ka kritikuar atë për shkarkimin e ministrit të Brendshëm dhe shefit të AKI-së, madje i ka ftuar kosovarët të protestojnë kundër tij. Erdogan, në fjalimin e tij, e ka quajtur kryeministrin Haradinaj “kukull”, litarët e të cilit i lëvizin të tjerët.
“Karriera e kryeministrit të Kosovës do të marrë fund.”, parashikon Erdogani.
“Si mund t’i ushqesh këta njerëz që kanë bërë një tentativë për grusht shteti ndaj Turqisë, vend i cili mirëpret Kosovën si një vëlla. Do japësh llogari edhe ti për këtë. Vëllezërit e mi kosovarë nuk i japin kredibilitet një kryeministri si ti. Vëllezërit e mi kosovarë, kosovarët që i njoh dhe i di, do të kërkojnë llogari prej teje për këtë. Unë e di edhe këtë.”, deklaroi Erdogan.
Presidenti Erdogan gjithashtu duke folur për kreun e organizatës terroriste, tha: “…edhe ai që ka ikur në Pensilvani është në telashe. Thotë “Çfarë do të ndodhë me mua?”. Çka ndodhi me ata në Kosovë do të ndodhë edhe me ty.”
