Një operacion antidrogë është duke u zhvilluar në qytetin e Elbasanit dhe në Tiranë nga policia e Shtetit. Sipas raportimeve janë shoqëruar mbi 10 persona me precedentë penalë, dhe për 5 prej të shoqëruarve ka urdhër arresti.
Emrat e dy prej të arrestuarve, janë Agron Qafa, Lavdosh Demaj. Policia e Shtetit bëjnë me dije se arrestimi i tyre është bërë në kuadër të një operacioni të fuqishëm për shkatërrimin e një grupi të strukturuar kriminal që vepron në disa qytete, si Tiranë, Elbasan, Fier etj.
Po kështu mësohet se është gjetur deri tani rreth 1 kg kokainë që e posedonin. Arrestimi i tyre pritet që të çojë në zbardhjen e disa ngjarjeve të rënda kriminale të ndodhur në Elbasan dhe disa qytete të tjera.
