Mesila Doda: “Do i dyfishojmë votat në të gjithë Shqipërinë”
PDIU ka nisur nga Elbasani procesin zgjedhor brenda partisë. Gjatë takimit me anëtarësinë e partisë së tij në këtë qytet, kreu i PDIU-së, Shpëtim Idrizi ka deklaruar: “Të jesh në Elbasan, je aty ku PDIU është më e fortë”. Idrizi u ka bërë thirrje të pranishmëve që të angazhohen për ta bërë PDIU-në forca kryesore politike në vend. “Ta bëjmë PDIU forcë politike kryesore në vend. PDIU ka qenë konstante në kauzën e saj për Çamërinë”, tha ai.
Një thirrje tjetër që Idrizi ka bërë nga Elbasani ka qenë edhe ftesa për sa më shumë anëtarësime të reja. “Proces dhe garë të hapur për të strukturuar partinë tonë. Ftojmë këdo për t’u anëtarësuar në PDIU “, është shprehur Idrizi.
E pranishme në këtë takim ishte dhe deputetja Mesila Doda, e cila theksoi: “Do i dyfishojmë votat në të gjithë Shqipërinë”.
