Ekspertët e mjekësisë në Britani thonë se nuk ka asnjë provë që vitamina D parandalon apo kuron koronavirusin.
Në muajin maj, hulumtuesit nga Irlanda dhe SHBA gjetën se pacientët e prekur me koronavirus që kishin nivele të larta të vitaminës D kishin më shumë gjasa t’i mbijetonin sëmundjes, duke çuar në rritjen e kërkesës për suplementë.
Një numër raportimesh të pabaza që pretendonin se “dozat e larta” të vitaminës D mbrojnë dhe kurojnë koronavirusin, u përhapën masivisht në rrjetet sociale gjatë pandemisë.
Por një grup ekspertësh nga Instituti Kombëtar i Kujdesit dhe Shëndetit në Britaninë e Madhe, thonë se nuk ka asnjë provë që marrja e suplementëve ul rrezikshmërinë e Covid-19, raporton newsbomb.al.
“Ndonëse ka të dhëna për të mirat e vitaminës D, kërkimi ynë i shpejtë nuk gjeti asnjë provë që suplementët e vitaminës D parandalojnë apo kurojnë koronavirusin,” tha drejtori i studimit Paul Chrisp.
Gjithashtu një grup tjetër ekspertësh nga Komiteti Këshillëdhënës Shkencor tha se nuk ka asnjë provë që vitamina D i mbron njerëzit nga infeksione akute respiratore, infeksione të sinuseve, fytit, rrugëve të frymëmarrjes ose mushkërive.
