I ftuar në emisionin “Log.” në ABC, ka qenë kreu i PDIU, Shpëtim Idrizi. Ky i fundit është ndalur tek ekonomia, duke hedhur akuza ndaj kryeministrit Edi Rama, për të cilin deklaroi se ka kapur shtetin. I pyetur se si opozita pritet të normalizojë ekonominë, Idrizi është shprehur që sipas tij hapi i parë që do merret është vendosja e balancave në tregun ekonomik.
Idrizi ka thënë se ekonomia sot është në duar e 5 oligarkëve, ndërsa sipas tij opozita synon që ta shpërndajë në shumë duar.
Mentor Nazarko: Nuk gjej një zgjidhje nga opozita si do ta kufizoni rolin në vendimmarrje politike të kompanive të mëdha?
“Ne do kthejmë ekonominë shqiptarëve duke ruajtur ekuilibrat politik. Koreja e Jugut, e ka ekonominë në shumë duar. Kthimi i ekonomisë në shumë duar. Jo si Rama që mori dhe kapi Partinë Socialiste. Ekonominë e tregut dhe Demokracinë e ka ndërtim pa leje. Duke harruar demokracinë. Debatet bëheshin publike se ligjet nuk bëhen për një person. Është vendi i kompromisit. Me një reformë të ngadaltë dhe me një pasiguri juridike. Ndryshoi dhe kodin zgjedhor dhe po kërkon mandatin e tretë. Do sjellë automatikisht çlirimin e ekonomisë. Ku biznesi dhe sipërmarrja të dallohen dhe të mos ndodh që një njeri. Apo për firmën e incineratorëve, gjetën një njeri dhe ja dhanë.” ka thënë Idrizi.
