Nga Beniamin Bakalli
Sot, Edi Rama na kujton prejardhjen e tij komuniste.
Ne kurrë nuk duhet të harrojmë torturat e pamëshirshme, s’duhet të harrojmë burgjet, internimet, kampet më famëkeqe, jo vetëm në Shqipëri, por e them me plot bindje dhe në gjithë botën.
Nëse ne harrojmë se kush janë, harrojmë identitetin dhe krenarinë tonë, harrojmë të qënurit të ndershëm.
Nëse ne harrojmë vuajtjet vrastare, ne bëhemi si këta që na përndoqën.
Kujtesa jonë është lufta jonë, deri në ditën kur ne do të luftojmë për gjakun e gjyshërve tanë, për burgjet e prindërve tanë, për të vrarët, burgosurit e për të internuarit.
E keqja më e madhe që i ka ndodhur ndonjëherë Shqipërisë është komunizmi.
Ai, është armiku më i keq, që i ka shpallur luftë elitës dhe kërkon me çdo kusht të eliminohen vlerat njerëzore, intelektuale shqiptare.
