Në orën 11:30, kryeministri Edi Rama do të jetë i pranishëm në ambientet e stadiumit “Air Albania” për marrjen e dozës së tretë të vaksinës.
Rama bëhet kështu politikani i parë që merr publikisht dozën e tretë të vaksinës në vendin tonë, pas rekomandimeve për dozën përforcuese.
Kryeministri ishte ndër njerëzit e parë që u vaksinuan në vendin tonë në Janar të këtij viti, dhe kanë kaluar më shumë se 6 muaj nga marrja e dozës së dytë prej tij.
Sakaq në një njoftim të shpërndarë për mediat, Ministria e Shëndetësisë njofton se dozën e tretë të vaksinës mund ta marrë çdo person mbi 18 vjeç, me kushtin që të ketë kaluar 6 muaj nga doza e dytë e vaksinës.
