Nga Aleksandër Biberaj
EDI RAMA KRYEMINISTRI MË I DËSHTUAR I HISTORISË SË EUROPËS PËR INTEGRIMIN E VENDIT TË TIJ NË BE! RAST UNIKAL NË HISTORINË E BE-së QË NJË VENDI I HAPEN NEGOCIATAT ME 15 KUSHTE DHE PA DATË FIKSE! SHQIPËRIA QË DUAM:) E RILINDJES KAMPION I REKORDEVE TË ZEZA EUROPIANE! FTESA E RAMËS PËR OPOZITËN HIPOKRIZIA E RADHËS! DITËN E EUROPËS POLICIA E EDI RAMËS DHUNON PROTESTUESIT PAQESOR TË TEATRIT KOMBËTAR!
Të dashur miq,
Dita e Europës shënonte edhe 75 vjetorin e fitores së madhe të aleancës së popujve të lirë (përfshirë edhe Shqipërinë) drejtuar nga fuqitë SHBA-Mbretëria e Bashkuar-Bashkimi Sovjetik kundër Gjermanisë dhe aleatëve të saj si dhe fundin e Luftës së Dytë Botërore. Natyrisht përveçse ditë kujtimi, nderimi, respekti dhe homazhi për të rënët e Luftës së Dytë Botërore, është edhe një ditë reflektimi, për të sotmen dhe të ardhmen e afërt të vendit tonë si pjesë e Europës por edhe e vetë BE-së. Në pozicionin e Zv. Presidentit të Asamblesë Parlamentare të Keshillit të Europës, natyrisht që kam pasur mundësinë dhe rastin të njoh nga afër edhe me dokumenta autentike atë se çfarë ndodhi pas luftës, kur politikanët e shquar, burrat e shtetit si Konrad Adenaues, Alice De Gasperi, Winston Churchill, Jean Monnet apo Robert Shuman, duke u ngritur nga hiri dhe rrënojat e luftës, hodhën themelet e Bashkimit Europian. Integrimi i Shqipërisë në BE mbetet shumë larg asaj që ideuam, inspiruam, menduam apo imagjinuam në Dhjetorin e vitit 1990. Seicili prej nesh sheh me shumë trishtim faktin se Shqipëria vazhdon të mbetet shumë larg BE-së, dhe natyrisht që përgjegjësia kryesore e kësaj dekade i takon kryeministrit aktual dhe kastes së tij totalisht të inkriminuar, të korruptuar dhe të pa aftë. Kryeministri ka 7 vite që vetëm e largon Shqipërinë nga BE dhe është rasti i parë në historinë e BE-së që një vendi i hapen negociatat me kushte (fillimisht ishin 9 tani janë bërë 15) dhe pa një datë fikse për hapjen e negociatave. Kryeministri e ka shkrirë dhe bërë njësh politikën me krimi (rasti i parë në Europë), dhe e ka bërë Shqipërinë kampion europian për korrupsionin e jashtëzakonshme (dëmi i vlerësuar nga Kontrolli i Lartë i Shtetit kap shifra të frikëshme të rëndit miliarda euro) si dhe për lidhjen e politikës me krimin e organizuar. Shqipëria është rasti i parë në Europë pa Gjykatë të Lartë dhe Gjykatë Kushtetuese si dhe rasti i parë në Europë që një parti-shtet ka 100% të pushteteve. Shqipëria e kësaj qeverie është rekordmen europian për kultivimin e kanabisit (tani kemi edhe iniciative të zezë ligjore të kryeministrit për ta legalizuar me qëllim që të pastrohen miliardat e fituara këto 7 vite), dhe tranzitimin e drogërave të forta. Ndërkohë që jemi vendi i fundit në Europë për klimën e biznesit dhe investimet e huaja, të cilat pothuajse mungojnë fare. Në Europë është rasti i parë që një kryeministër nuk pranon dhe nuk bën zgjedhje të lira dhe demokratike, përkundazi i manipulon ato ose bën votime një partiake të modelit të partisë shtet. Dhe rekordet e zeza dhe unikale të kësaj qeverie nuk kanë të mbaruara …për ta përmbyllur me mbylljen që i ka bërë popullit të tij si në kafaz duke i dhënë një kosto sociale, morale, psikologjike dhe ekonomike të jashtëzakonshme dhe të parikuperueshme, me pretekstin e corona virusit, vetëm e vetëm për interesa politike dhe ekonomike. Dhe më e keqja qytetarët shqiptar vazhdojnë të mbajnë pa konkurues pozicionin e popullit më të varfër në Europë, pavarësisht pasurive pa fund natyrore dhe mundësive për zhvillim që kemi. Ironia e fatit është se edhe Serbia që zhvilloi tre luftra në Ballkan në vitet 90 dhe Mali i Zi shtet i pavarur vetëm prej 14 vitesh, janë më pranë BE-së sesa ne.
E pra të dashur miq, KJO ESHTE SHQIPERIA QE DUAM:) e rilinjes, realitet që duhet ndryshuar në mënyrë urgjente nëpërmjet rrotacionit politik, i cili është jetik për të ardhmen e vendit tonë, për prosperitetin dhe interesin tonë kombëtar!
