Arben Çuko akuzohet se u merrte para të burgosurve. Emri i tij doli pas përgjimeve që po i bëhej një grupi për trafik droge. Policia bën me dije se Çuko u merrte nga 1500 deri në 3 mijë euro të burgosurve.
Nga ana tjetër menjëherë kryeministri Edi Rama e ka lëshuar ish-deputetin e tij. Tek e fundit ai nuk ka peshën as të Taulant Ballës, as të Fatmir Xhafajt e jo më të Saimir Tahirit, për të cilët nuk ka mbajtur këtë qëndrim në raport me ligjin që e thekson për të “gjorin” Çuko.
Ja postimi në twitter i kryetarit të Rilindjes:
Keqardhje për A. Çukon po për ne s’ka dy qëndrime në raport me ligjin, ka vetëm një; s’ka dy qasje në raport me drejtësinë, ka vetëm një; s’ka dy fytyra në raport me qytetarët, ka vetëm një! Ne s’jemi e kurrë s’do jemi njësoj si të tjerët. Ne gjithnjë kemi vetëm një krah: DREJTËSINË!
