Një nga lajmet më të bujshme mediatike të orëve të fundit është mundësia e largimit të Blendi Fevziut nga “Klani” drejt “Top Channel”.
Me nota ironie por edhe duke pranuar në një farë mënyre rrugëtimin e ri të “Opinion” kryeredaktorja e këtij emisioni, Desada Metaj, thotë se “nuk ka patur kurrë rëndësi logo e tv që transmeton emisionin”.
“Mes shume halleve që ka ky vend, na del problem dhe ekrani ku do transmetohet emisioni “Opinion”.
Personalisht, si pjesë “10-vjeçare” e stafit, jam e bindur që nuk ka patur kurrë rëndësi logo e tv që transmeton emisionin, krahasuar kjo me produktin që shikuesit kanë ndjekur dhe do vazhdojnë të shohin në vazhdim.
Të gjithë kuriozët duhet të presin dhe pak për vendimin. Ndërkohë që për shikuesit e rregullt te emisionit, jam e bindur se logo ku transmetohet emisioni i tyre i dashur nuk ka kurrfarë rëndësie”, ka shkruar Metaj në facebook.
