Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

E vërteta e Mnemozinës, nënës pellazge të nëntë muzave

Nga 27.al 0

shkruan Fahri Xharra
“Burri i parë që ka lindur në botë ka qenë pellazgu, një burrë i dalluar për përmasat dhe bukurinë e figurës së tij që i kalonte të gjithë të vdekshmit e tjerë për kualitetet e shpirtit.

Pellazgu ishte i pari që u mësoi njerëzve që të ndërtonin shtëpi dhe të mbroheshin nga të ftohtët, ai u mësoi njerëzve që të bënin rroba nga lëkura e deles. Pellazgu ka lindur nga dheu për të qenë filluesi i gjenit të vdekshëm” Pausanias (110 prK -180 prK:) (Pausania lib.VIII. 1.4).

Pseudo-studiuesit serbë, që prej shekujsh po rropaten me mashtrimet më të paturpshme që ta mohojnë rrënjët pellazge-ilire-shqiptare, praninë e katragjyshave arbërorë në Ballkan, duke synuar jo vetëm gllabërimin e Kosovës, por edhe të Shqipërisë.

Dihet se të dhënat shkrimore dhe mbishkrimore të një vargani nga më të stërlashtat, para-ilirët autoktonë (të rrënjës) pellazgët cilësohen shprehimisht si bijë të tokës të mbirë prej dheut, madje si “para- hënorë”, si të gdhirë në Evropë që para shfaqjes së Hënës në hapësirat qiellore, që atëherë kur nuk kishte kufij e nuk kishte fqinjë.

“Po cila ishte gjuha e pellazgëve? Dimë se ishte një popull shumë i madh në numër që u përhap në gjithë Pellazgjinë, në Itali, në Azinë e Vogël, në Afrikën e Veriut dhe në Gadishullin Iberik. E dimë gjithashtu që e krijuan sistemin fetar dhe u dhanë emrat perëndive dhe i caktuan rregullat e adhurimit. Shumë shkencëtarë i kanë identifikuar pellazgët me arvanitasit e sotshëm” (Gjuha e Perëndive, Aristidh Kola, 2003).

Cilat ishin nëntë muzat që u quajtën greke?

-Të nëntë muzat sipas mitologjisë “greke” ishin: Calliope (Epika), Clio (Histori), Erato (Dashuri), Euterpe (Muzikë), Melpomene (Tragjedi), Polyhymnia (Hymnet), Terpsichore (Vallzimet), Thalia (Komedi), Urania (Astronomi).

Por si lindën këto?

Nëna e nëntë muzave ishte Mnemozina, gruaja e Jupiterit.

Si lindi fjala “Mnemozinë”?

Eshtë një tragjedi e madhe që bota ende nuk e përkrah origjinën e vërtetë të historisë të ashtuquajtur “greke”. Për Mnemozinën në Enciklopedinë e Oxfordit shkruhet: “Origin : “From Greek mnēmosunē, literally “memory”. (https://en.oxforddictionaries.com/definition/mnemosyne)”. Pra, me këmbëngulje fjalë greke!

Për të shtruar drejt hipotezën e vërtetë e dimë që nga gjuhët e vjetra e kemi vetëm pellazgjishten, e cila në vazhdimësi është përdorur nga Epirotët, Thesalët, Thrakasit, Ilirët, Dardanët dhe të tjerët, një gjuhë që ende e flasin shqiptarët e sotshëm (E.Schneider).
Atëherë  si shpjegojet emri “Mnemozinë”? Këtë e shpjegon pellazgishtja e dikurshme ose shqipja e sotit: Mne – Ment, Mendje, inteligjencë dhe msoi, me msue, nga rrënja me msu. Msonje e paraqet atë që të mëson diçka dhe ment – menia, të menduarit. Pra, Mnemosina ishte Perëndesha e të mësuarit, nga e cila linden të nëntë muzat, në greqisht “musai” që rrjedh nga shqipja Msois – mësuese, arsimtare (E. Schneider).

Mnemosina, Perëndesha e mbajtjes në mend, nëna e muzave merret si perëndesha më e fuqishme e kohës së saj. Ishte  dhunti  e saj që ne të kishim arsyen, të parashohim rezultate, që është themel për civilizimin.
Mnemosina i takonte familjes së titanëve, dhe ishte brezi i parë i hyjnisë pellazgjike. Prindërit e saj ishin Kroni dhe Gaia. Mnemosina ishte me flokë të dredhur plot shkëlqim .
Perëndesha Mnemosinë ishte edhe filozofja e parë, me fuqinë e logjikimit Ajo ishte e para që i emërtoi të gjitha objektet që na rrethojnë, duke ia dhënë njerëzimit mundësinë e bashkëbisedimit. Edhe vendosja e gjërave në mbajmendje dhe rikujtimi i përshkruhen kësaj Perëndeshe.
Pra, cilat ishin nëntë muzat?

Calliope, Muza e poezisë epike

Clio, Muza e historisë

Erato, Muza e poezisë lirike

Euterpe, Muza e muzikës

Melpomene, Muza e tragjedisë

Polyhymnia, Muza e poezisë së shenjtë

Terpsichore,  Muza e kërcimit dhe këndimit

Thalia, Muza e komedisë dhe e poezisë idilike
19.02.20, Gjakovë

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej