Një ngjarje e rëndë ka ndodhur në Tiranë, ku një grua ka ndërruar jetë në spital, pak ditë pasi është rrahur në mes të rrugës nga burri i saj.
Mësohet se më datën 21 mars në rrugën “Margarita Tutulani” gruaja me inicialet A.Gj është dhunuar fizikisht dhe psikologjikisht nga burri I.GJ dhe më pas ka përfunduar në spital.
Por 4 ditë më pas 51-vjeçarja ka humbur jetën në QSUT për shkak se ka pësuar një atak kardiak.
Policia e Tiranës bën me dije se akuzon bashkëshortin e 51-vjeçares me inicialet A.GJ për dhunë fizike dhe psikologjike, por jo për vdekjen e gruas së tij. Policia po vijon hetimet për 54 vjeçarin dhunues.
