Nga Klodiana Qamo
Mbrëmjen e 18 Marsit, Presidenti serb, Aleksandar Vuçiç ka bërë bujë në rrjet me anë të një postimi në Instagram që tregon hartën e Kosovës të mbuluar nga flamuri serb.
“Serbia sot nuk është e dobët, nuk kërcënon, por dhe nuk harron, dhe nuk do të lejojë që 17 marsi të ndodhë përsëri”, ky ka qenë edhe mbishkrimi i vendosur në foton e publikuar nga Vuçiç, për të cilën ka nisur edhe një fushatë për heqjen sa më parë të kësaj fotoje nga rrjetet sociale.
Pas publikimit të fotos së hartës së Kosovës të mbuluar me flamurin Serb, kryeminsitrit Edi Rama iu deshën plotë tre ditë të reagonte për herë të parë, ku përballë tij kishte 250 mjekë nga Kosova, të cilët do të merrnin vaksinën anti-COVID në qytetin e Kukësit. I ulur para tyre, Rama e cilësoi ngjarjen e bujshme si një “hartë leshi dhe lojë kukullash nga shoku tij në Beograd”.
Pse postimi i Vuçiç në sytë e Ramës nuk ishte një “flamur leshi”, por një “hart leshi”?! Duket se etiketime të tilla nga shoku nga Tirana në drjetim të shokut nga Beogradi s’janë gjë tjetër veçse lojë kukullash mes “vllaznish”…
