Gazetari i Euronews Jack Parrock ka zhvilluar së fundmi një takim me kryeministrin e vendit Edi Rama.
I veshur si njeri që vlerëson punën e tij dhe rëndësinë e të intervestuarit, Parrock u ndje i befasuar nga pritja e kryeministrit. Si për t’u tallur, apo për të treguar sërish stilin e tij marrok, kësaj here Ramës i shkon mendja e shkathët ta presë gazetarin ndërkombëtar zbathur dhe me “shorts-a”.
Tema e takimit ishte potenciali i Shqipërisë për fillimin e bisedimeve të pranimit në BE. Por, duket se kryeministri Rama nuk e merr aq seriozisht këtë qysh se pjesa e më e madhe e mediave, përfshirë ato ndërkombëtare e akuzojnë atë dhe qeverinë e tij për lidhje me krimin. Nga e tillë mesele, vështirë të mendosh për negociatat me Bashkimin Europian.
Ja çfarë shkruan gazetari Parrock për takimin me kryeministrin:
“Kjo nuk ishte një intervistë e zakonshme politike. Kryeministri i Shqipërisë na priti në rezidencën e tij verore, zbathur dhe me pantallona të shkurtra. Intervista jonë u përqëndrua te potenciali i Shqipërisë për fillimin e bisedimeve të pranimit në BE. Intervista do të transmetohet në Euronews në ditët në vijim”- shkruan gazetari në Twitter.
