Ministrja e Arsimit, Evis Kushi ishte në Universitetin e Politeknikut për të parë nga afër situatën, mbi numrin e studentëve të vaksinuar.
Ministrja, i ka pyetur një nga një studentët nëse e kishin bërë vaksinën. Ndërsa një studente, teksa ministrja pa certifikatën e saj të vaksinimit,u shpreh se “fatkeqësisht nuk e ka bërë me dëshirë dhe se ishte ndjerë e detyruar”.
Pjesë nga biseda:
Kushi: E shoh e paskeni bërë dozën e parë të vaksinës
Studentja: Fatkeqësisht…
Kushi: Pse?
Studentja: E kemi bërë të detyruar.
Kushi: Kjo është arsyeja, unë nuk dua që ju të ndiheni të vaksinuar.
Studentja: Po ashtu jemi ndjerë.
Kushi: Po jo, po shiko vaksina të mbron ty, prindërit, familjarët. Ju do të jeni 100 veta në salla, vaksina ju mbron nga virusi. Prandaj dhe arsyeja që kam dalë sot është për t’ju ndërgjegjësuar. Ji jeni të rinj, që besoni në shkencë dhe jo në teoritë e konspiracionit.
