Massimiliano Allegri, trajneri i Juventusit, u shfaq pasditen e djeshme në konferencën e shtypit të prag ndeshjes së UEFA Europa League për të ndarë mendimet e tij përpara ndeshjes së dytë gjysmëfinale kundër Sevillas.
“Një ndeshje e bukur për t’u luajtur, ne e dimë se do të jetë e vështirë dhe do të nevojitet kthjelltësi, sidomos tani që jemi afër vijës së finishit, dëshirojmë të arrijmë shpejt por, duhet qetësi dhe kthjelltësi dhe në këtë, djemtë kanë qenë të mirë”.
Barazimi i ndeshjes së parë, pavarësisht ambientit negativ që do të “shijojë” ndaj Sevilja, italiani nuk trembet si dhe shpreson:
“Durimi nevojitet gjatë gjithë sezonit. Na kanë ndodhur shumë gjëra të ndryshme dhe të gjithë i kemi parë si mundësi. Shpresoj që djemtë të më bëjnë një dhuratë për të shkuar në Budapest, nuk kam qenë kurrë. Por siç thonë në Itali, futbollin e shpiku djalli”.
Si i shihni penalltitë?
“Ky është një mundësi, e thashë edhe më parë. Sevilla është një ekip i mirë dhe në Torino ata luajtën një lojë shumë të mirë. Ne filluam mirë, pësuam një gol që mund ta shmangnim, por më pas ishim më mirë në pjesën e dytë. Sevilla do të kenë shtytjen e tifozëve të tyre, por ne jemi gati duke e ditur që dueli mund të zgjasë 120 minuta”.
Mjedisi kundër
“Kemi luajtur dy herë këtu dhe ndeshja e nesërme është vendimtare për të dyja skuadrat. Jam i sigurt se do të kemi hapësirë për t’u krijuar probleme. Ne e dimë mirë se çfarë bëjnë, por edhe se kanë dobësi. Duhet të kemi personalitet kur ne të kemi topin”.
Takimi Sevilla – Juventus, luhet sonte në orën 21:00.
