Nga Spanja kanë ardhur disa lajme që kanë pasur lidhje me ndeshjen e luajtur dje mes Juventus dhe Barcelona. Sipas “Don Balon”, Paulo Dybala i ka bërë disa rrëfime Lionel Messi-t, në lidhje me momentin aktual që po kalojnë bardhezinjtë dhe mbi të ardhmen. Numri 10 i Juventus, sipas “Don Balon”, i ka thënë Messi-t se skuadra bardhezi, për momentin, nuk është në gjendje të luftojë për Champions League.
Në Spanjë flitet për një Dybala të shqetësuar, aq sa rrëfimi tjetër, gjithmonë sipas spanjollëve, ka qenë ky: nëse Juventus nuk do ta fitojë Champions-in në të ardhmen e afërt, ai do të largohet. Sigurisht, nuk janë lajme që mund të merren për të mirëqena, por nuk ka dyshim se “Joya” nuk po kalon një moment shumë të mirë.
Në përfundim të ndeshjes së djeshme, ai ka thënë: “Duhet të përmirësohemi në sulm, sepse mbrojtja është e kompletuar”. Me pak fjalë, ka akoma diçka që nuk shkon. Më pas, mes skenarëve të përshkruar nga “Don Balon” dhe frazave të djeshme, ka një diferencë të madhe. Por, nëse i shtojmë edhe deklaratat e bëra nga Dybala për “France Football” (“Unë nuk e di nëse do të qëndroj te Juventusi përjetë”.), tifozët e Juventus nuk mund të jenë aspak të qetë.
http://telesport.al/dybala-thote-messi-t-kjo-juve-smund-ta-fitoje-champions/
