Policia ka sekuestruar 300 kg kanabis sativa në Ishëm të Durrësit. Lënda narkotike ishte sistemuar në një banesë e bërë gati për pastrim, tharje dhe magazinim.
Droga u gjet në banesën e shtetasit B.A., në fshatin Rrotull. Policia bën me dije se është shpallur në kërkim dhe po punohet për kapjen e pronarit të banesës, shtetasit B.A., 47 vjeç, banues në fshatin Kërtushaj-Ishëm dhe filloi procedimi penal në ngarkim të shtetasit A.Ll., 32 vjeç, banues në Hamallaj.
Shtetasi A.Ll., 32 vjeç është kapur me një mjet furgon, me targa AA 039 BK, me 13 shtetas të cilët punonin në pastrimin dhe tharjen e bimëve narkotike në banesën e shtetasit B.A.
