Ashtu si dhe kishin paralajmëruar qytetarë të shumtë të Durrësit janë ngritur sërish në protestë kundër betonizimit të qytetit dhe në mbrojtje të trashëgimisë kulturore.
Qytetarëve i është bashkuar edhe një grup i shoqërisë civile të cilët kanë rrethuar me shirit zonën pranë Torrës Veneciane ndërsa mbajnë në duar pankarta drejtuar kryebashkiakut Vangjush Dako.
Qytetarët kanë protestuar prej kohësh punimet në shesh pasi sipas tyre veliera e betonit që bashkia kërkon të ndërtojë varros trashëgiminë kulturore.
“E bukura për ne janë ato mure që janë varrosur aty. Ata nuk kanë frikë nga gjykata sepse e blenë gjykatën, ata nuk kanë frikë as nga vota juaj sepse votën e kanë blerë. Nuk kanë blerë votën tonë, por kanë blerë votën e një pjesë sa për të qëndruar në pushtet.”-shprehen protestuesit.
http://27.al/shperthen-uji-tek-torra-veneciane-dako-ende-asnje-urdher-per-ndaljen-e-punimeve/
