Presidenti i Republikës, Ilir Meta tha se axhenda e tij nuk është ajo e opozitës, por e interesit të shqiptarëve.
Në një konferencë për mediat, Meta i bëri thirrje kryeministrit Edi Rama që të reflektojë, në mënyrë që e diela të jetë një ditë shprese për të gjithë shqiptarë.
“Axhenda ime nuk është bolshevike, axhenda ime nuk është Monës, Lulit dhe e doktorit, por ajo e: Edi refleto! sepse ashtu sikurse unë jam në gjendje të bëj dallim mes Monikës dhe republikës, edhe atij i kam kërkuar, përpara se ta votonin për kryeministër, edhe në vazhdimësi, deri edhe në drekën sekrete, që duhet të bëj dallimin mjaft të rëndësishëm, të qeniet kryetar i PS, parti shumë e nderuar, dhe të qenit kryeministër i të gjithë shqiptarëve. Ky është detyrim kushtetues dhe superior. Nëse ai e bën këtë dallim unë mendoj se do të jetë shumë mirë dhe përpara do të kemi një të diel pozitive, shpresëdhënëse për të gjithë”-tha Meta.
