“Më vjen turp që po vazhdojnë të na degjenerojnë.”
Këto ishin fjalët e Dritan Bicit në vitin 2017, kohë kur la Partinë Socialiste për t’iu bashkuar PDIU. Bici ishte asokohe Nënprefekt i Gramshit e njëkohësisht edhe anëtar i Asamblesë Kombëtare të Partisë Socialiste. Pas 20 vitesh kontribute në Partinë Socialiste ai vendosi të largohet, sepse ndihej i degjeneruar nga kryesocialisti Rama.
Por, tashmë jemi në vitin 2018 dhe Dritan Bici mban një tjetër qëndrim. Pas pozicionimit në opozitë të PDIU, ai ka deklaruar se është me kryeministrin Rama në mazhorancë.
Ndërsa Bici flet për mazhorancë, në një kohë kur PDIU kandidoi e vetme në zgjedhje në opozitë duke fituar 76 mijë vota, thotë se është aty edhe prej votave të socialistëve.
“Ne jemi me kryeministrin Rama, sepse e shohim se për Çështjen Çame ka punuar më shumë se çdo kryeministër në vend. Ne jemi këtu ku jemi, sepse mbi shpatulla kemi edhe votat e votuesve socialistë.
Shpëtim Idrizi do të hedhë në rrugë gati 1000 të punësuar nga qeveria e rilindjes. Të punësuarit e forcës tonë politike janë me kryeministrin sikurse dhe ne tre deputetët”, tha Bici për mediat.
Pra, ky paska qenë në mazhorancë dhe Shpëtim Idrizi, jo vetëm që nuk e dinte, por paska dhe 1000 të punësuar në emër personal të Bicit, njeri i ish-degjeneruar nga Rama. Sa për Çështjen Çame, ai dhe ata tre deputët e tjerë kanë folur sa peshqit ne ujë. Kurse Rama dihet që e ka thënë vetë se e perdori Çështjen Çame sa të ulte grekët në tryezë dhe të falte det e tokë për të mbajtur pushtetin.
Dritan Bici dhe shokët e tij deputetë mbushën listën dhe shkuan në Kuvend pas intrigës në kurriz të atij që drejtoi listën e Elbasanit në PDIU. Pra, kur i ra të bëhej deputet e blenë megjithë lecka. Prandaj, te rrijë në pëqinë e Ramës sa të dojë, por të lajë gojën kur përmend Çështjen Çame dhe udhëheqësit e saj.
Si duket Bici nuk largohet nga PS, pa u degjeneruar deri në fund nga kryesocialisti Rama.
Po pse ndodh kjo? Pse Bici nuk i ndahet Ramës?
Në gusht të këtij viti “Pamfleti” shkruante:
“Për Dritan Bicin ka një dosje të zezë, e mbyllur në mënyrë të dyshimtë nga Prokuroria e Përgjithshme, gjatë kohës kur drejtohej nga derdimeni i Sali Berishës dhe Ilir Metës, Adriatik Llalla. Vetë Llalla është arratisur prej disa muajsh nga frika e prangosjes për pastrim parash, ndërsa Prokuroria e Krimeve të Rënda i ka konfiskuar pasurinë.
Në shkurt të vitit 2015, Inspektorati i Lartë i Deklarimit dhe Kontrollit të Pasurive përgatiti një dosje penale për Dritan Bicin, ku kishte fshehur apartamente, dyqane dhe llogari bankare, produkt të pasurive të pista. Për të mbyllur dosjen, Bici ka nxjerrë një tufë me para të pista në zyrat e ILDKPKI, për t’ia dhënë inspektorit të ILDKPKI. Inspektori nuk i ka marrë paratë. Në dosjen e deputetit thuhet: “Përveç problematikës të konstatuar me sipër, z. Dritan Bici ka tentuar dhënien e një sasie parash cash, në ambientet e ILDKPKI, Inspektorëve të ngarkuar me kontrollin e deklaratave të tij, me qëllim mbylljen e problemeve të konstatuara nga hetimi administrativ”.
