Shtetet e Bashkuara të Amerikës pak ditë më parë i ndaluan Tom Doshit hyrjen në këtë vend, por nga salla e Parlamentit deputeti ka kërkuar sot Vetting për politikanët.
“Të fillojnë të hetohet që te shkollimi i fëmijëve, i kanë shkolluar të gjithë jashtë, ku janë të ardhurat e këtyre politikanëve, te vilat, makinat, jeta luksit që bëjnë dhe ta shohin se si dalin”, tha Doshi.
Ndërsa Rama po fliste në Kuvend për reformën në drejtësi dhe Vetting-un, tha se nuk do të shpëtojnë as politikanët nga drejtësia e çliruar, ka ndërhyrë duke folur nga vendi deputeti Tom Doshi. “Edhe ti do ta bash vettingun!”, mësohet të ketë thënë Doshi.
