Franca ka ndaluar përdorimin e hidroksilklorinës për trajtim kundër koronavirusit, pasi rrit nivelin e vdekjes tek pacientët.
Sipas një studimi, përdorimi i këtij ilaçi tek personat e prekur me koronavirus ka rritur numrin e vdekshmërisë.
Ministri i shëndetësisë në Francë, Olivier Veran urdhëroi që të rishikohet përdorimi i këtij ilaçi pasi një studim i botuar në Lancet (një revistë e përjavshme mjekësore) tregon se ilaçi nuk ishte kishte efekte pozitive, madje shkakton rrahje të çrregullta të zemrës dhe rrit rrezikun e vdekjes.
Kujtojmë që Presidenti i SHBA-së, Donald Trump një javë më parë tha se ky ilaç është efektiv ndaj koronavirusit, madje ka këshilluar përdorimin e gjerë.
Hidroksilkorin përdoret për të trajtuar malarien dhe lupusin, por në disa raste ka dhënë efekt edhe te pacientët me koronavirus.
