Pas debatit të hapur për Akademinë e Shkencave ka reaguar edhe Mesila Doda duke u shprehur se PDIU e ka pasur pikë kryesore të programit këtë çështje.
Ajo thotë më tej se qeveria shqiptare dhe ajo e Kosovës, Ilirida, Diaspora, Mali i Zi të lënë retorikat dhe të punojnë për bashkimin e mendjes e shpirtit të shqiptarëve.
Statusi i plotë i Mesila Dodës
Përgjatë gjithë fushatës tonë “Veç 1 Atdhe!” dhe në programin elektoral të PDIU, kemi përsëritur një kërkesë jetike për shqiptarët kudo ku janë. Një akademi e vetme dhe shkrirja e Akademisë së Shkencave të Shqipërisë, Kosovës bashkë me përfaqësues nga Diaspora, Ilirida e Mali i Zi. Krijimi i një platforme të bashkimit kombëtar si një detyrë emergjente e kohës dhe një produkt i parë i kësaj Akademie mbarëkombëtare. Sot, shoh intelektualë që e risjellin në vëmendje këtë inisiativë, ndaj do kërkoja nga qeveritë e të dy krahëve të lënë retorikat dhe të punojnë për bashkimin e mendjes e shpirtit të shqiptarëve. E kanë detyrim kushtetues, ne e kemi detyrë nga Zoti.
